ԱՄՆ-ը քննադատել է Չինաստանին՝ Հարավ-Չինական ծովը «սեփականաշնորհելու» համար
![](https://168.am/wp-content/uploads/2014/01/pic_12346bddb365a3e490056f1da68d1ae3.jpg)
Ամերիկյան Associated Press լրատվական գործակալության փոխանցմամբ՝ ԱՄՆ-ի իշխանությունները քննադատել են Չինաստանի կողմից Հարավ-Չինական ծովում նոր կանոններ սահմանելը, որոնք առնչվում են օտար երկրների կողմից ձկնորսությամբ զբաղվելը սահմանափակելուն:
ԱՄՆ պետդեպարտամենտի մամլո քարտուղար Ջեն Պսակին հայտարարել է, որ իրենք այդ քայլը գնահատել են որպես «սադրիչ ու պոտենցիալ վտանգավոր»: Չինական նոր կանոնների կապակցությամբ մտահոգություն է հայտնել նաև Ֆիլիպինների ԱԳՆ-ը, որը հայտարարել է, որ Պեկինի գործողությունները խախտում են միջազգային մի շաք փաստաթղթերի դրույթներ:
Վիետնամի ԱԳՆ-ը նույնպես քննադատել է Չինաստանին՝ ընդգծելով, որ Պեկինի գործողություններն ապօրինի ու անհիմն են: