Յանուկովիչը պաշտոնանկ է արել Կիևի քաղաքապետին
Ուկրաինայի նախագահ Վիկտոր Յանուկովիչը պաշտոնանկ է արել Կիեւի քաղաքապետ Ալեքսանդր Պոպովին եւ անվտանգության խորհրդի քարտուղարի տեղակալ Վլադիմիր Սիվկովիչին, հաղորդում է «Գազետան»` վկայակոչելով Ուկրաինայի նախագահի պաշտոնական կայքին:
«Նախագահ Յանուկովիչը Վ. Սիվկովիչին եւ Ա. Պոպովին ազատել է աշխատանքից Ուկրաինայի գլխավոր դատախազության միջնորդության հիման վրա` կապված 2013թ. նոյեմբերի 30-ին Մայդանում քաղաքացիների սահմանադրական իրավունքի խախտմանը նշված անձանց ունեցած մասնակցության կասկածների հետ»,-նշվում է հրամանում:
Ուկրաինայի գլխավոր դատախազությունը ցուցարարներին ուժով ցրելու պատասխանատու էր համարել Պոպովին եւ Սիվկովիչին եւ պահանջել նրանց հրաժարականը:
