Ադրբեջանական բանակում գրանցվել են զինված միջադեպեր. APA
Ադրբեջանական APA լրատվական գործակալության փոխանցմամբ՝ ադրբեջանական բանակում գրանցվել է երկու միջադեպ: Շփման գծի մոտ տեղակայված զորամասերից մեկում 19-ամյա Էլման Սուլեյմանովը կրակել է իր ծառայակից, 19-ամյա Նատիգ Ասադովի վրա: Վերջինիս տեղափոխել են հոսպիտալ:
Նշվում է, որ Սուլեյմանովը կրակել է զենքի հետ անզգուշաբար վարվելու պատճառով: Տարվում է հետաքննություն: Ադրբեջանի պաշտպանության նախարարության մամլո ծառայությունը հաստատել է տվյալ փաստը:
Բացի այս, մեկ այլ զորամասում 19-ամյա զինծառայող Շահմարդանով Մուսեիբ Շահինն իրեն ամրակցված զենքով կրակել է իր վրա: Նրան հոսպիտալացրել են, զինծառայողների առողջական վիճակը գնահատվում է ծանր:
