Բաթում է ժամանել ԱՄՆ 6-րդ նավատորմի ֆլագմանը
Վրացական Pirweli լրատվական գործակալության փոխանցմամբ՝ այսօր պլանային այցով Բաթում է ժամանել ԱՄՆ ռազմածովային ուժերի 6-րդ նավատորմի ֆլագմանը՝ Mount Whitney դեսանտանավը: Այցի նպատակը Վրաստանի առափնյա պաշտպանության հետ կոմբինացված զորավարժություններ անցկացնելն է՝ ծովային անվտանգության բարելավման նպատակով:
Նավ են այցելելու Վրաստանում ԱՄՆ դեսպան Ռիչարդ Նորլանդը, պաշտպանության կցորդ, գնդապետ Մետ Դիմմիկը և Աջարիայի կառավարության նախագահ Արչիլ Խաբաձեն: Պլանավորված է, որ ամերիկյան պատվիրակությունը հանդիպումներ է ունենալու Աջարիայի կառավարության ղեկավարության, Բաթումի քաղաքապետարանի և ՆԳՆ-ի սահմանային ոստիկանության հետ:
Ամերիկյան ռազմանավը Վրաստանի ծովային ջրատարածությունը լքելու է նոյեմբերի 13-ին: