Սև ծովում վերստին գրանցվել է ռուս-թուրքական օդային միջադեպ
Թուրքական Anadolu լրատվական գործակալության փոխանցմամբ՝ Թուրքիայի առազմաօդային ուժերի F-16 տիպի կործանիչները հետևել են ռուսական IL-20 ռազմա-պարեկային ինքնաթիռը, որը Սև ծովում թռչել է Թուրքիայի օդային սահմանի երկայնքով:
Թուրքական ինքնաթիռները ռուսական ինքնաթիռին հարկադրել են թռչել միջազգային օդային տիրույթով: Այս մասին հայտնել է Թուրքիայի զինված ուժերի Գլխավոր շտաբը:
Հիշեցնենք, որ վերջին շրջանում թուրքական մամուլը քանիցս հայտնել է ռուսական ինքնաթիռների մասնակցությամբ Սև ծովում նմանատիպ միջադեպերի գրանցման մասին:
