Ձևը գտել են
Սեպտեմբերի 4-ին նախագահ Սերժ Սարգսյանի հրամանագրով ստեղծված Սահմանադրական բարեփոխումների մասնագիտական հանձնաժողովում հավաքվում և ուսումնասիրվում են Սահմանադրական փոփոխությունների տարբեր առաջարկներ:
Դրանցից մեկն այն է, որ խորհրդարանական ընտրությունները 100 տոկոս ընտրակարգով կազմակերպելու դեպքում` քվեարկությունը տեղի ունենա ռեյտինգային համակարգով: Այսինքն՝ ընտրողը քվեարկի ոչ միայն որևէ կուսակցության, այլ նաև այդ կուսակցության համամասնական ցուցակում ընդգրկված թեկնածուի օգտին: Այս համակարգը ընդունված է աշխարհի մի շարք երկրներում, և դրա իմաստը ներկուսակցական մրցակցության խթանումն է:
Այս համակարգի միջոցով ընտրողն ավելի մեծ հնարավորություն է ստանում մասնակցելու խորհրդարանի կազմի ձևավորմանը: Հայաստանում, սակայն, այս համակարգը կօգտագործվի բոլորովին այլ նպատակով. վերահսկելու յուրաքանչյուր թեկնածուի աշխատանքի արդյունավետությունը: Մեծամասնական ընտրակարգը օրենսդրորեն կվերանա, բայց իրականում այն ավելի մեծ ծավալ կընդգրկի:
Մանրամասն կարող եք կարդալ «168 ժամ» թերթի այսօրվա տպագիր համարում:
