Շվեդիայի եւ Լեհաստանի ԱԳ նախարարները կայցելեն Վրաստան, Ուկրաինա եւ Մոլդովա
Շվեդիայի եւ Լեհաստանի ԱԳ նախարարներ Կարլ Բիլդտը եւ Ռադոսլավ Սիկորսկին հոկտեմբերի 21-23 –ը կայցելեն Վրաստան, Ուկրաինա եւ Մոլդովա, հաղորդում է ИТАР-ТАСС-ը:
Նպատակը երկրների ղեկավարներին հաղորդելն է «եվրոպական համագործակցության ոլորտում առավել ամուր կապերի հաստատման ԵՄ տրամադրվածության մասին»:
Նախարարներն այցը կսկսեն Քիշնեւից: Երեք երկրներում էլ կհանդիպեն ինչպես իշխանության, այնպես էլ ընդդիմության ներկայացուցիչների հետ:
Նշենք, որ Շվեդիան եւ Լեհաստանը Արեւելյան գործընկերության նախաձեռնող երկրներն են: Վիլնյուսում նոյեմբերին կկայանա Արեւելյան գործընկերության երկրների գագաթնաժողովը:
