Քարակերտի մոտակայքում շրջվել են բեռնատար գնացքի վագոններ
Անցած գիշեր երկաթուղու վթար է գրանցվել, ինչի հետեւանքով վթարված գնացքի վագոնները շարունակվում են մնալ երկաթգծերին, իսկ ճանապարհը ոչ երթևեկելի է:
Դեպքը տեղի է ունեցել Քարակերտի մոտակայքում, ներկայում ԳԱԼԱ-ի նկարահանող խումբը այնտեղ է:
Ինչպես փոխանցում է կայքի թղթակիցը, դեպքը տեղի է ունեցել գիշերը՝ ժամը 4:00-ի շրջանում, գնացքը եղել է ոչ թե մարդատար, այլ բեռնատար: Գնացքով վառելանյութ են տեղափոխելիս եղել: Երկու վագոնները ոչ թե շրջվել, այլ ընդամենը թեքվել են, ինչն էլ վթարի պատճառ է հանդիսացել: Եւս 4-5 վագոն, որոնք շարունակում են մնալ երկաթգծերին, բեռնված են մետաղաձողերով:
Տեղանքում մինչեւ հիմա աշխատանքները շարունակվում են: Տեղում է ռուս եւ հայ երկաթուղայիններից բաղկացած խումբը, որը փորձում է հեռացնել վագոնները ճանապարհից եւ վերականգնել երկաթգծերը:
