Եվրախորհրդարանը հաջորդ շաբաթ բանաձև կընդունի «Արևելյան գործընկերության» երկրների վրա ՌԴ-ի կողմից ճնշում գործադրելու մասին
Ուկրաինական УНИАН լրատվական գործակալության փոխանցմամբ՝ հաջորդ հինգշաբթի Ստրասբուրգում կայանալիք Եվրախորհրդարանի լիագումար նիստում քննարկումներ են ծավալվելու «Արևելյան գործընկերության» երկրների վրա Ռուսաստանի կողմից ճնշում գործադրելու շուրջ և քվեարկության միջոցով ընդունվելու է համապատասխան բանաձև: Համապատասխան որոշումն ընդունվել է Եվրախորհրդարանի երկվա նիստում:
Նշվում է, որ Եվրախորհրդարանին այդ քայլին գնալ են հարկադրել վերջին իրադարձությունները. Մաքսային միությանը միանալու մասին Հայաստանի հայտարարությունը, Եվրասիական միությանը միանալու հարցի դիտարկման հնարավորության մասին Վրաստանի վարչապետի հայտարարությունը, Ուկրաինայի հետ Ռուսաստանի առևտրային պատերազմը և Մոլդովային հասցեագրած Ռուսաստանի բազմաթիվ սպառնալիքները:
