Իրանում անցկացվելու են մասշտաբային զորավարժություններ
Իրանական IRNA լրատվական գործակալության փոխանցմամբ՝ Իրանն անցկացնելու է հակաօդային պաշտպանության (ՀՕՊ) զորքերի ու Իսլամական հեղափոխության պահակազորի մասնակցությամբ զանգվածային զորավարժություններ: Այս մասին հայտարարել է Իրանի ՀՕՊ-ի զորքերի հրամանատար Ֆարզադ Էսմաիլին:
Նա ընդգծել է, որ այդ զորավարժություններն անցկացվելու են հոկտեմբերի վերջին-նոյեմբերի սկզբին, լեռնային շրջաններում և դժվարմատչելի տեղանքում, եղանակային սառը պայմաններում: Նա հավելել է, որ Իրանն այդ զորավարժությունների ժամանակ օգտագործվելու են գերժամանակակից անօդաչու թռչող սարքեր ու ինքնաթիռներ:
Էսմայիլիի խոսքերով՝ ընդհանուր առմամաբ զորավարժություններին մասնակցելու է 12.000 մարդ: Զորավարժությունների նպատակը նոր, պոտենցիալ սպառնալիքների հայտնաբերումն ու կանխումն է:
