Թուրքիայում սիրիացի փախստականների քանակն ավելին է երկրի 81 նահանգներից 41-ի բնակչությունից
Թուրքական Son Dakika կայքի փոխանցմամբ՝ Թուրքիայի ԱԳՆ-ը պաշտոնական հայտարարություն է տարածել երկրում գտնվող սիրիացի փախստականների թվաքանակի վերաբերյալ: Դրա համաձայն, երկրի 20 վրանային ու տնակային ճամբարներում գտնվում է 200.000 սիրիացի փախստական:
Ընդհանուր առմամբ, Թուրքիայի տարածքում գտնվում է ավելի քան 500.000 սիրիացի փախստական: Այս ցուցանիշը գերազանցել է Թուրքիայի 81 նահանգներից 41-ի բնակչությունը, որը չի էլ հասնում 500.000-ի: Խոսքը հիմնականում գնում է Թուրքիայի կենտրոնական, արևելյան ու հարավ-արևելյան նահանգների մասին է:
Նշվում է, որ սիրիացի փախստականների համար ստեղծված թուրքական ճամբարներում լույս աշխարհ է եկել 5638 սիրիացի: 45.000 սիրիացի աշակերտ կրթություն է ստանում Թուրքիայում:
