Սիրիայի պաշտպանության նախկին նախարարը հարել է ապստամբներին ու փախել Թուրքիա
Թուրքական Sabah թերթի փոխանցմամբ՝ Սիրիայի պաշտպանության նախկին նախարար, գեներալ Ալի Հաբիբն անցել է սիրիական ընդդիմության կողմն ու փախել է Թուրքիա: Այս մասին թերթին հայտնել են սիրիական ընդդիմությունում առկա աղբյուրները:
Հաբիբի կողմից ընդդիմության շարքերն անցնելը պայմանավորված է Արևմուտքի կողմից Սիրիային մոտալուտ ռազմական հարված հասցնելու հետ: Հաբիբը Սիրիայի պաշտպանության նախարարի պաշտոնից հեռացվել է 2011 թվականի օգոստոսին՝ Ասադի վարչակարգի հետ ունեցած տարաձայնությունների պատճառով:
Սիրիական SANA պետական լրատվական գործակալությունն իր հերթին հայտնել է, որ Հաբիբը երկար ժամանակ է՝ ինչ հիվանդ է, և նրա առողջական վիճակը գնալով ավելի է վատթարանում:
