Ինչպես ազատվել մարմնի տհաճ հոտից
Մարմնի տհաճ հոտի խնդիրն անհանգստացնում է շատ-շատերին: Այն առաջանում է մի շարք ֆիզիլոգիական ֆունկցիաների խախտման հետևանքով, և ճիշտ բուժումը կարող է վերացնել այդ տհաճ երևույթը: Մարմնի տհաճ հոտը կարող է գալ մաշկից, բերանի խոռոչից, թևատակերից, սեռական օրգաններից և մարմնի այլ մասերից: Մարդու մարմինն ինքնին հոտ չունի, քանզի քրտինքը, որ դուրս է գալիս օրգանիզմից, պարունակում է աղ և ջուր, սակայն միկրոբները, որոնք գտնվում են մեր մաշկի մակերեսին, խառնվելով քրտինքի հետ՝ առաջացնում են տհաճ հոտ:
Դա կարող է առաջանալ հետևյալ պատճառներից՝ ատամի խոռոչներ, գինգիվիտ, թոքերի վատ աշխատանք, միզապարկի ինֆեկցիաներ, սեռական ճանապարհով փոխանցվող հիվանդություններ, մարմնում քաղցկեղի բջիջների տարածում, շաքարախտ, նյութափոխանակության խանգարումներ: Սննդամթերքը նույնպես անմիջական կապ ունի մարմնի արտազատած հոտի հետ՝ ալկոհոլի և ծխախոտի չարաշահումը, սոխը, սխտորը, դեղահաբերը, ճարպոտ սնունդը և տոքսինները նույնպես կարող են առաջացնել մարմնի տհաճ հոտ:
Մարմնի հոտը գերիշխող է դառնում այն ժամանակ, երբ քրտնագեղձերն ակտիվանում են, ինչն էլ իր հերթին՝ մարդուն դարձնում է նյարդային և անհանգիստ:
Ըստ Illinois Բժշկական կենտրոնի համալսարանի տվյալների, երբ մարմնի տհաճ հոտ է նկատվում, անմիջապես անհրաժեշտ է դիմել բժշկի օգնության՝ պարզելու պատճառը: Եթե պատճառն ուռուցքն է, ապա անհրաժեշտ է դիմել քիմիաթերապիային: Նմանապես, եթե մարմնի տհաճ հոտը գալիս է հատկապես բերանից, սեռական օրգաններից կամ մեզից, ապա պետք է խորհրդակցել բժշկի հետ և ճիշտ բուժում ընդունել:
Եթե ձեզ մոտ չեն նկատվում վերը թվարկված ֆիզոլոգիական խնդիրները, ապա մարմնի տհաճ հոտից կարելի է և ազատվել ժողովրդական պարզ միջոցներով: Այդ միջոցներն ընդգրկում են՝ գլիցերինը, բողկը, սպիտակ քացախը, կարտոֆիլը, շաղգամը, լոլիկի հյութը, հազրեվարդի ձեթը, դարչինը, կիտրոնի հյութը, հակաբակտերիալ օճառները և քրտինքի դեմ բազմաթիվ կոսմետիկ միջոցները:
Ժողովրդական միջոցներ
Գլիցերին և բազուկ
Պատրաստեք բողկի հյութը և այն խառնեք կես ճաշի գդալ գլիցերինի հետ: Այս խառնուրդը պետք է քսել թևատակերին, ոտքերին և պարանոցին, որպեսզի կանխվի տհաճ հոտը:
Ալկոհոլ և սպիտակ քացախ
Ալկոհոլը և սպիտակ քացախը խառնել իրար, քսել մարմնի այն հատվածին, որը շատ է քրտնում:
Խնձորի քացախ
Խնձորի քացախը անհրաժեշտ է քսել ոտքերին և թևատակերին:
Կարտոֆիլ
Կարտոֆիլը հայտնի է իր զովացնող հատկություններով: Հում կարտոֆիլը կտրեք և շերտերը դրեք թևատակերին:
Հազրեվարդի ձեթ
Մի քանի կաթիլ հազրեվարդի ձեթն ավելացրեք ջրին և այդ խառնուրդը բամբակով քսեք մարմնի այն հատվածներին, որոնք շատ են քրտնում:
Շաղգամ
Շաղգամի հյութը հայտնի է իր հակաբակտերիալ հատկություններով, և կարելի է քսել մարմնի այն հատվածներին, որտեղ քրտնարտադրությունը բարձր է:
Լոլիկի հյութ
Լոգանքի ջրին ավելացրեք 2 բաժակ լոլիկի հյութ և պառկեք ջրի մեջ: Ապացուցված է, որ նման լոգանքը երկար ժամանակ թույլ չի տալիս, որ մարմնից տհաճ հոտ գա:
Հակաբակտերային օճառ և հակաքրտինքի դեզոդորանտ
Լողանալու համար պետք է օգտագործել հատուկ հակամանրէային օճառներ, իսկ առօրյայում՝ հատուկ դեզոդորանտներ:
Մեծ քանակությամբ ջուր
Պետք է խմել բավարար քանակությամբ ջուր, որն օրգանիզմից հեռացնում է տոքսինները:
Պահպանեք պատշաճ հիգիենա և մաքուր հագուստ
Հաճախակի լողանալը հեռացնում է մարմնից մաշկի մահացած բջիջները և մանրէները: Պետք է կրել բնական գործվածքից հագուստ:
Մարմինը պետք է չոր պահել
Լողանալուց հետո պետք է լավ չորացնել մարմինը: Եթե ջուրը մնում է մարմնի որոշ հատվածներում, ապա նպաստավոր պայմաններ են առաջանում մանրէների զարգացման համար:
