Վլադիմիր Պուտինը ձկնորսության ժամանակ որսացել է հսկայական գայլաձուկ (լուսանկարներ, տեսանյութ)
Ռուսաստանի Դաշնության նախագահ Վլադիմիր Պուտինը ձկնորսության ժամանակ բռնել է 21 կիլոգրամանոց գայլաձուկ: Այս մասին հայտնում է ռուսական «Ռիա նովոստի» գործակալությունը: Ինչպես հայտնի է, Պուտինը որսորդության և ձկնորսության մեծ սիրահար է, և այս անգամ նա ձկնորսության էր գնացել վարչապետ Դմիտրի Մեդվեդևի և պաշտպանության նախարար Սերգեյ Շոյգուի հետ` վերջինիս հայրենիք` հեռավոր Տիվայի հանրապետություն կատարած այցի ժամանակ: Երեք բարձրաստիճան պաշտոնյաները ձուկ են որսացել Տիվայի ազգային արգելոցներից մեկում` Թոկպակ-Խոլ լճում:
Ըստ «Life News»-ի` սկզբում որսն այնքան էլ հաջող չի ընթացել, սակայն շուտով Պուտինի բախտը ժպտացել է, և նա բռնել է իր կյանքում ամենամեծ ձուկը:
Նախագահին ուղեկցող գիդը, տեսնելով հսկայական գայլաձուկը, արձագանքել է. «Այ քեզ կոկորդիլոս… Վլադիմիր Վլադիմիրովիչ, զգույշ եղեք` չկծի»:
«Ես ինքս կարող եմ նրան կծել»,- ժպտալով պատասխանել է Պուտինը:
Հսկայական գայլաձկից հետո կոտլետներ են պատրաստել:
Մանրամասները` «Russia Today» լրատվականի տեսանյութում:
