Գեղարքունիքի մարզի Ճամբարակ քաղաքում գրանցված է 187 գործազուրկ
Գեղարքունիքի մարզի Ճամբարակ քաղաքի զբաղվածության կենտրոնում գրանցված է թվով 187 գործազուրկ, որից 120-ը կանայք են: 168.am-ի հետ զրույցում կենտրոնի պետ Քոչար Քոչարյանը ներկայացնելով թվային տվյալները՝ նշեց, որ Ճամբարակում աշխատանք փնտրողների գրանցված թիվը 199 է, որից 126-ը կանայք են: Ճամբարակում գործազրկության նպաստ է ստանում 57 քաղաքացի, որից կանայք են 32-ը: Խոսելով թափուր աշխատատեղերի մասին՝ կենտրոնի պետը տեղեկացրեց, որ հիմնականում թափուր աշխատատեղեր կան հիվանդանոցներում, որտեղ, չնայած բավականաչափ աշխատատեղեր կան, սակայն աշխատող չկա: Պատճառը, հավանաբար, համայնքի հեռու լինելն է:
Գեղարքունիքի մարզ
