Վրաստանում բանտարկյալներն իրավունք կստանան հանգստյան օրերն անցկացնել տանը. Սուբարի
Новости-Грузия-ի փոխանցմամբ՝ մոտ ժամանակներս Վրաստանում ի հայտ կգա բաց տիպի պատիժների իրագործման հիմնարկ: Դրանում ազատազրկում կկրեն այն բանտարկյալները, որոնք կկարողանան հանգստյան օրերն անցկացնել իրենց տանը:
Այս մասին այսօր լրագրողների հետ զրույցում հայտարարել է Վրաստանի պատիժների իրագործման ու իրավական օգնության նախարար Սոզար Սուբարին: Վերջինիս խոսքերով՝ 2013 թվականը լինելու է բարեփոխումների տարի.
«Աշնանը Ռուսթավիում մեկնարկելու է Պատիժների իրագործման նախարարության նոր հիմնարկը, ուր բանտարկյալները կկարողանան տեղավորվել աշխատանքի և ստանալ նոր մասնագիտություն:
Իսկ մինչև տարեվերջ մենք պլանավորել ենք բացել բանտային հոգեբուժական հիմնարկ և բանտային հանրապետական հիվանդանոց»:
