Մեծ Բրիտանիան հրաժարվել է սիրիական ընդդիմությանը զենք մատակարարելու պլանից
Բրիտանական Daily Mail թերթի փոխանցմամբ՝ Մեծ Բրիտանիայի վարչապետ Դևիդ Քեմերոնը հրաժարվել է սիրիական ընդդիմությանը զենք մատակարարելու պլանից:
Քեմերոնն այդ պլանից վերջնականապես հրաժարվել է այն բանից հետո, ինչ Մեծ Բրիտանիայի զինվորական բարձրագույն հրամանատարությունը նրան զգուշացրել է, որ զենքի մատակարարումը զուրկ է որևէ իմաստից, եթե Լոնդոնը պատրաստ չէ մասնակցել Դամասկոսի դեմ պատերազմին:
Մեծ Բրիտանիայի պաշտպանության շտաբի պետ, գեներալ Դևիդ Ռիչարդսը Քեմերոնին հայտնել է, որ Սիրիայի երկնքում ոչ թռիչքային գոտու ձևավորումը պահանջում է շաբաթների, հնարավոր է նաև ամիսների ընթացքում կառավարական դիրքերի վրա հարձակումների իրականացում:
Ռիչարդսն ընդգծել է, որ ինչ-որ բանի հասնելը պահանջում է շաբաթներով ռմբակոծություն:
