Խորհրդարանը պետք է աղմկոտ լինի. Դավիթ Ուսուպաշվիլի
Грузия Online-ի փոխանցմամբ՝ Վրաստանի խորհրդարանի պատգամավորներն ու ոչ կառավարական սեկտորը հյուրանոցներից մեկում քննարկել են Խորհրդարանական էթիկայի օրենսգրքի ստեղծման հարցը:
Տվյալ հանդիպման կազմակերպիչը «Միջազգային թափանցիկություն – Վրաստան» կազմակերպությունն է: Հանդիպման ժամանակ Վրաստանի խորհրդարանի նախագահ Դավիթ Ուսուպաշվիլին հայտարարել է, որ ներկայիս խորհրդարանը շատ ավելի աղմկոտ է, քան՝ նախորդ խորհրդարանը.
«Խորհրդարանը պետք է աղմկոտ լինի: Եթե խորհրդարանն աղմկոտ չէ, չկան սուր, երբեմն էլ զգացմունքային բանավեճեր, այդ ժամանակ հասարակության մեջ կծագեն սուր բանավեճեր, զգացմունքային ելույթներ, կառաջանա աղմուկ, որը ոչ մի լավ բան չի բերի երկրին:
Սակայն այդ բանավեճերը չպետք է վեածվեն նրան, որ մեզ հնարավորություն չտան կատարել մեր գործը և նորից բացասաբար տրամադրեն ընտրողին ու հասարակությանը»:
