Ադրբեջանը Թուրքիայից գնել է շարժական երկու դաշտային հոսպիտալ
Ադրբեջանական APA լրատվական գործակալության փոխանցմամբ՝ թուրքական Turmaks ընկերությունը Ադրբեջանի զինված ուժերին է վաճառել շարժական երկու դաշտային հոսպիտալ: Այս մասին հայտնել է Turmaks ընկերության ներկայացուցիչ Իլկեր Խուները:
Հոսպիտալը տեղակայվել է բեռնարկղում, այն կարելի է հեշտությամբ հավաքել և տեղափոխել: Հոսպիտալը հագեցած է բժշկական ամենաժամանակակից սարքավորմամբ:
Յուրաքանչյուր հոսպիտալը նախատեսված է 60 մարդու համար:
Դրանք արտադրվել են նախատեսվածից (6 ամիս) երկու ամիս շուտ: Խուների խոսքերով՝ դաշտային այդ հոսպիտալները ռազմական ցուցահանդեսներից մեկի ժամանակ ցուցադրվել են ադրբեջանական կողմին:
Մեկ դաշտային հոսպիտալի տարածքը (բաց վիճակում) կազմում է 2500 քառակուսի մետր: Բեռնարկղերը կարելի է նախապատրաստել 5-7, իսկ վրանները՝ 7-9 րոպեում:
