Կարկտահարությունից հետո Շենավանից ավելի քան 200 բնակիչ լքել է երկիրը (տեսանյութ)
alttv.am-ի փոխանցմամբ՝ այս տարվա մայիսի 12-ի կարկուտը չի խնայել նաև Արմավիրի մարզի Շենավան համայնքի հողատարածքները: Այստեղ գյուղացիները 100 տոկոսով կորցրել են սպասվող բերքն ու հայտնվել անելանելի վիճակում:
Շենավան համայնքում ապրում է 700 տնտեսություն, մշակելի հողատարածքը կազմում է 800 հա, հիմնական մասը պտղատու այգիներն են: Շենավանցի Ջեմմա Հարությունյանը կարկուտից հետո մինչև այսօր ամեն օր այգի է մտնում, շրջում ու ևս մեկ անգամ հասկանում, ոչինչ չի մնացել, բերքը չկա, իսկ ծառերի վերականգնումն էլ տարիներ կտևի: Նույն կարգավիճակում են նաև Ջեմմայի հարևանները: Շենավանցիներն ասում են, որ կարկուտից հետո գյուղից առնվազն 200 բնակիչ արտերկիր աշխատանք փնտրելու է գնացել:
