Իրանում նախընտրական կամպանիան կմեկնարկի մայիսի 24-ին
Իրանական Fars լրատվական գործակալության փոխանցմամբ՝ Իրանի ՆԳՆ-ը վաղը վերջնականապես կհայտնի առաջիկա նախագահական ընտրություններում թեկնածուների անունները: Իրանի Պահապանների խորհուրդը հաստատում ստացած թեկնածուների անունները ՆԳՆ-ին փոխանցելու է այսօր:
Թեկնածուները կարող են պաշտոնապես իրենց ընտրական կամպանիան սկսել մայիսի 24-ին: Քարոզչական ժամանակաշրջանն ավարտվելու է նախագահական ընտրություններից երկու օր առաջ:
Իրանի Նպատակահարմության պետական խորհրդի քարտուղար Մոհսեն Ռեզային հայտարարել է, որ դժվար կլինի առաջիկա նախագահական ընտրություններում այաթոլլահ Ալի Աքբար Ռաֆսանջանիի հետ մրցակցելը: Ռուհանին իր թեկնածության առաջադրումը պայմանավորել է Իրանի տնտեսական իրավիճակի բարդություններով:
