Իրանական ինքնաթիռները համալրվել են Qhader հրթիռով
Իրանական Fars լրատվական գործակալության փոխանցմամբ՝ իրանական բանակն իր ինքնաթիռները, այդ թվում նաև կործանիչները հագեցրել է Qhader հրթիռներով, որոնց գործունեության հեռահարությունը կազմում է 200 կիլոմետր:
Նշվում է, որ 2011 թվականին իրանցի գիտնականների ստեղծած Qhader հրթիռն ունի կործանիչ մեծ ուժ՝ առափնյա թիրախների, այդ թվում նաև ռազմանավերի դեմ մարտում: Իրանի իշխանություններն այդ հրթիռը բնութագրում են որպես ռազմածովային ուժերի ամենահզոր և դիպուկ հրթիռ:
Qhader հրթիռը կարող է արձակվել ռազմանավերից, ուղղաթիռներից ու կործանիչներից: Այն կարող է իրականացնել և՛ որպես «երկիր-երկիր» դասի, և՛ որպես «երկիր-ծով» դասի հրթիռի դեր, ինչպես նաև արձակվել ինքնաթիռներից:
