Սիրիայի իշխանություններն ապստամբներին մեղադրել են երկրի նավթահանքերն այրելու մեջ
BBC-ի փոխանցմամբ՝ սիրիական ընդդիմության զինված խմբերը Սիրիայի արևելքում ընկած Դեյր-եզ-Զոր նահանգում այրել են երեք նավթահանք: Այս մասին հայտարարել են Սիրիայի իշխանությունները:
Նշվում է, որ տվյալ նահանգի մեծ մասը վերահսկվում է ապստամբների կողմից և նավթահանքերն այրելու պատճառ է դարձել այն, որ ապստամբների տարբեր խմբավորումները չեն կարողացել պայմանավորվածության գալ իրենց ձեռքում հայտնված նավթի շուրջ:
Սիրիական SANA պետական լրատվական գործակալությունը հաղորդել է, որ բացի այդ երեք նավթահանքերից, սիրիացի ապստամբներն այրել են ևս 6 նավթահանք: Սակայն գործակալությունը չի հայտնել, թե որտեղ են գտնվել տվյալ նավթահանքերը:
Չնայած Սիրիայում ընթացող բախումներին՝ երկրի մեծ մասում շարունակվում է նավթի արդյունահանումը:
