Նյարդերը հանգստացնող ուտեստ, որը նպաստում է նիհարելուն
Ճիշտ սնունդը լավագույն դեղամիջոցն է։ Առաջարկվող ուտեստը կարգավորում է վահանագեղձի և մակերիկամների աշխատանքը, հանգստացնում է նյարդերը։
Սկզբից կներկայացնեմ բաղադրատոմսը, իսկ հետո կքննարկենք օգտակար ազդեցության մեխանիզմը։
Անհրաժեշտ է
Քսան գրամ ծովակաղամբ, 50 գ կանաչ ոլոռ, 2 գրամ համեմի սերմ, կես թ/գ աղացած կոճապղպեղ, 1 գ աղ, մի քանի հատիկ սև պղպեղ։
Պատրաստման և օգտագործման եղանակը
Բաղադրիչները լցրեք 300 մլ ջրի մեջ, 5 րոպե եփեք թույլ կրակի վրա, քամեք։ Կերեք ճաշից 1 ժամ առաջ, շարունակեք երկու շաբաթ։ Եփուկը խմեք օրվա ընթացքում։
Օգտակար ազդեցության մեխանիզմը
- Ծովակաղամբը պարունակում է յոդ և պանտոտենաթթու, որը կարգավորում է նյարդային աշխատանքը, վահանագեղձի և մակերիկամների հորմոնների գոյացման ընթացքը։ Մակերիկամների կեղևն ունի պանտոտենաթթվի զգալի պաշարի կարիք, որպեսզի կարողանա պայքարել բորբոքումների և սթրեսի դեմ։ Պանտոտենաթթուն անհրաժեշտ է, որպեսզի մակերիկամը կարողանա ադրենալին արտադրել։
- Ոլոռը պարունակում է B6 վիտամին, որն անհրաժեշտ է սերոտոնինի գոյացման համար, և տրիպտոֆան ամինաթթուն, որից գոյանում է «երջանկության» հորմոն սերոտոնինը և «քնի» հորմոն մելատոնինը։
- Համեմը պարունակում է բջիջները պաշտպանող սելեն։
- Սև պղպեղը հարուստ է քրոմով, որը բարձրացնում է հյուսվածքների զգայունությունն ինսուլինի հանդեպ։
Հ.Գ. Լույս են տեսել հեղինակի «Մոգական բուժարարներ» մատենաշարի թվով 4 գրքույկները: Հիշեցնենք, որ վաճառքում է նաև հեղինակի «Պահապան ծառերի բուժիչ զորությունը» գիրքը: Հեղինակի բոլոր գրքերը կարող եք ձեռք բերել «Նոյյան տապան», «Բուկինիստ», «Նոր գիրք» և «Արտ Բրիջ» (Աբովյան 20) գրախանութներից:
