«Երբեմն անհատներն են օգնում, բայց կարծում եմ՝ որևէ մեկի օգնությունն ինձ պետք չէ, առավել ևս՝ այս իշխանություններից։ Աշխատում եմ իմ ուժերով հարցերս լուծել։ Գյուղում տարբեր աշխատանքներ եմ կատարում, ինչ կարողանում եմ։ Իհարկե, շատ դժվար է կյանքը, վեց աղջիկներս անչափահաս են, հիմա մարդիկ չեն կարողանում երկու երեխա պահել, ես վեցին եմ պահում ու փորձում ոտքի կանգնել։
Մեր պետականությունն աննախադեպ փակուղային իրավիճակում է, ինչը, որքան էլ ասենք, թե հետևանք է նաև մեր հավաքական արատների, բայց փաստ է՝ սրա ամենամեծ պատճառն այս իշխանությունն է և նրա վարած քաղաքականությունը։
