Այդ դատական նիստում հարցաքննվեց վկա Դավիթ Մուրադյանը: Վերջինս հարցին՝ ինչ քաղաքական կողմնորոշում ունի մեղադրյալ Սերգեյ Մկրտչյանը, պատասխանեց՝ նրա քաղաքական կողմնորոշումն իր հայրենիքին է, սահմանների ամրությունը, մատաղ սերնդի դաստիարակությունը:
Այսօր Երևանի ընդհանուր իրավասության քրեական դատարանի Կենտրոն նստավայրում՝ դատավոր Ջոն Հայրապետյանի նախագահությամբ, շարունակվում է «Հյուսիսային տերևաթափի» գործով դատական նիստը: Դատական նիստի մեկնարկին պարզվեց, որ գործով նոր հանրային մեղադրող է ներգրավվել՝ Արման Բաղդասարյան:
