ատուկ են ուզում մարդիկ անձնավորել իբր թե Սէֆիլյան անձի և նրան չսիրողների հարց է. էստեղ անձերի մասին չի, այլ մտածելակերպի: Սէֆիլյանը, լինելով ժամանակին զորամասի հրամանատար, շատ լավ գիտի՝ ինչի մասին է խոսքը, և եթե նա այսօր արտահայտվում է այլ կերպ, դա իր անձնական կարծիքն է, որի հետ ես համաձայն չեմ և դա էլ իմ իրավունքն է: Ոչ մեկից վախենում եմ, ոչ էլ մեկից խուսափում, որ նամյոկներով խոսեմ, դա իմ ստիլը չի, այսօր առիթավորվել է մի հոծ զանգված նույն Սէֆիլյանի ասածից ու հենց էդ զանգվածի մասին եմ ես խոսում, ոչ թե անձի:
«Լուրջ չէ նստել, քարտեզի վրա հաշվել: Ավելի անլուրջ է դառնում google-ից հանած քարտեզի հիման վրա տեսանյութ պատաստելը: Եկեք չտրվենք մանիպուլյացիաների. քարտեզ են ներկայացրել՝ հյուսիսն ու հարավը խառնած, նշել են, որ տեղում չեն եղել, այսինքն՝ չլինելով այնտեղ` հաշվարկներ են կատարել»:
Ամերիկայի Միացյալ Նահանգների պետքարտուղար Ջոն Քերին Ավստրիա կատարելիք այցի շրջանակներում կմասնակցի Լեռնային Ղարաբաղի հակամարտության առնչությամբ Հայաստանի և Ադրբեջանի նախագահների հնարավոր հանդիպմանը: ԱՄՆ պետքարտուղարության հաղորդագրության համաձայն՝ Ջոն Քերին կայցելի Սաուդյան Արաբիա, Ավստրիա, Բելգիա, Բուրնա և Վիետնամ մայիսի 14-26-ին:
Հրամանատարներն են փաստում, որ երբ հայ պայմանագրային զինծառայողները զգում են, որ թիկունքն ամուր է, իսկական առյուծներ են:
«Ինչպես միշտ, մայիսի 16-ին Վիեննայում կայանալիք Ալիև-Սարգսյան հանդիպումից որևէ նոր բան սպասել պետք չէ, և այն որևէ հետևանք չի ունենալու, թեև ցանկացած հանդիպում, բանակցություն, դրա բացակայությունից լավ է: Բայց մենք բոլորս գիտենք, որ Հայաստանի և Ադրբեջանի նախագահները բազմիցս հանդիպել են միջնորդների մասնակցությամբ, և այդ հանդիպումները որևէ արդյունք չեն տվել: Ամեն ինչ պահպանվել է այնպես, ինչպես եղել է»,- 168.am-ի հետ զրույցում այս մասին է ասել ՌԳԱ Արևելագիտության ինստիտուտի Կենտրոնական Ասիայի, Կովկասի և Ուրալ-Պովոլժիեի ուսումնասիրման կենտրոնի աշխատանքային խմբի համակարգող Ալեքսանդր Սկակովը:
«Կարծում եմ, որ այդ հանդիպումն ագրեսորի ներման ակտ է: Վիեննայում կայանալիք բանակցությունները նախադեպ են ստեղծում, որպեսզի ապրիլյան պատերազմը կրկնվի ամեն ամիս, քանի որ Ադրբեջանի կողմից բանակցային գործընթացի խախտումը հանգեցրեց այն բանին, որ բանակցային գործընթացը չի կարող վերականգնվել՝ առանց հավելյալ նախապայմանների: Մայիսի 16-ին մենք կտեսնենք, թե ինչպիսի հավելյալ անհրաժեշտ պայմաններ են դրվել Ադրբեջանի առջև: Եթե այդ հավելյալ պայմանները չլինեն, դա կնշանակի՝ ագրեսորի ներում»,- 168.am-ի հետ զրույցում այս մասին է ասել Ռուսաստանի Դաշնության առաջին կարգի պետական խորհրդական, «Ռեգնում» լրատվական գործակալության գլխավոր խմբագիր Մոդեստ Կոլերովը:
Հակառակորդը շարունակել է խախտել կրակի դադարեցման պայմանավորվածությունը` կիրառելով 60 (53 արկ), 82 (142 արկ) միլիմետրանոց ականանետեր, ՀԱՆ-17 (30 արկ) ու ՌՊԳ-7 (2 արկ) տիպի նռնականետեր և ԶՈւ-23-2 տիպի զենիթային կայանք (30 կրակոց):
Միջազգային հանրությունը պարտավոր է ապահովել ղարաբաղյան հակամարտության խաղաղ կարգավորումը, «Ամերիկայի Ձայն»-ին տված հարցազրույցում ասել է Միացյալ Նահանգների կոնգրեսական Թեդ Փոն:
Ապրիլյան պատերազմի արդյունքում խախտվել է ստատուս-քվոն ոչ միայն՝ ղարաբաղաադրբեջանական սահմանին, այլ նաև՝ Հայաստանի ներքին կյանքում: Ու մինչ ոմանք շարունակում են հուսալ, որ իշխանությունը կզբաղվի այդ խախտված ստատուս-քվոյի վերականգնմամբ սահմանագծին, իշխանության ներկայացուցիչները զբաղվում են ներքին ստատուս-քվոն վերականգնելով: Առջևում ընտրություններ են:
ԼՂՀ N զորամասի դասակի հրամանատար, լեյտենանտ Գագիկ Հակոբյանը, հետախուզության պետ, կապիտան Յուրի Հովասափյանը, կրտսեր սերժանտ Էդգար Հովհաննիսյանը, շարքայիններ Մուշեղ Թովմասյանն ու Տիգրան Պապանյանը քառօրյա պատերազմում ցուցաբերած արիության համար պարգեւատրվել են ԼՂՀ «Արիության համար» մեդալով:
«Սերժ Սարգսյանի դիտարկումները նպատակներ են, որոնց հասնողը պետք է լինի ԱԳ նախարարությունը, ի՞նչ է անում, չի անում, չեմ կարող ասել: Փաստն այն է, եթե անում են, լավ չեն անում, քանի որ արդյունքները տեսանելի չեն, եթե չեն անում, պետք է բացատրություն տան, թե ինչու չեն անում»:
Մայիսի 13-ին` ժամը 17:00-ից սկսած, ղարաբաղա-ադրբեջանական հակամարտ զորքերի շփման գծի ողջ երկարությամբ հակառակորդը սկսել է տարբեր տրամաչափի ականանետերից արկակոծման ենթարկել ՊԲ մարտական հենակետերը:
Լեռնային Ղարաբաղում իրավիճակը կդառնա այն թեմաներից մեկը, որն ԱՄՆ պետքարտուղար Ջոն Քերին կքննարկի մոտ օրերս իր համաշխարհային շրջագայության ընթացքում:
Արցախի Հանրապետության Նախագահ Բակո Սահակյանը մայիսի 13-ին այցելել է Մարտակերտի շրջանի Մատաղիս ավան եւ հանդիպել համայնքի բնակիչների հետ: Քննարկվել են ավանում առկա խնդիրները, դրանց լուծման ուղիները:
Ադրբեջանական զինուժի կողմից արկակոծության հետևանքով Մարտունու շրջանի Ներքին Ճարտար համայնքում բեկորային վիրավորում ստացած 12-ամյա Վարդան Անդրեասյանն ապաքինման փուլում է:
Ապրիլյան պատերազմը արմատապես փոխել է աշխարհաքաղաքական իրավիճակը Հարավային Կովկասում: Ադրբեջանի իշխանությունների տարիներ ի վեր վարած ապակառուցողական քաղաքականությունը և նեկրոֆիլ գործողությունները ապացուցում են, որ նրանք չեն պատրաստվում «պատերազմի հարացույցը» փոխարինել «խաղաղության հարացույցով»:
« Այդ քիմիական, ռադիոակտիվ նյութերը բավարար են, որպեսզի հանցավոր ահաբեկչական խմբավորումները ստեղծեն ռումբեր: Դա իրենք են ասել: Հիմա, նրանք սեփական ժողովրդի դեմ օգտագործել են այդ ֆոսֆորային նյութերը, որպեսզի հետո մեղքը գցեն հայկական կողմի վրա: Նման քաղաքականություն սովորաբար տանում են հանցագործներն ու ահաբեկչական պետությունները: Եթե մի երկրում հայկական բանակի զինվորին գլխատում են, ու դա ցուցադրում են, ծերերի ականջները կտրում են, այդ դեպքում էլ ի՞նչ սպասել նման պետությունից»,-հավելեց Դավիթ Բաբայանը:
Ինչպես հայտնի է, երեկ «Շուշիի առանձնակի գումարտակի ազատամարտիկների միավորում» հասարակական կազմակերպության (ՇԱԳԱՄ) նախագահ Ժիրայր Սէֆիլյանը հայտարարել էր, որ ապրիլյան պատերազմի ժամանակ հայկական կողմը հյուսիսարևելյան հատվածում 7 մլն քառակուսի մետր տարածքային կորուստ էր ունեցել: ՊՆ մամուլի խոսնակ Արծրուն Հովհաննիսյանն էլ 168.am-ի հետ զրույցում հերքել էր այդ տեղեկությունը:
Ադրբեջանը երախտապարտ է Ռուսաստանին՝ Ղարաբաղում ճգնաժամի կարգավորմանն աջակցելու համար: Այս մասին, ինչպես տեղեկացնում է RIA Novosti-ն, հայտարարել է Ադրբեջանի խորհրդարանի նախագահ Օգթայ Ասադովը:
Ապրիլի 2-ի լուսաբացին սկսված քառօրյա պատերազմի հետևանքով հայկական կողմն ունեցավ մարդկային և տարածքային կորուստներ:
Առաջնագիծ մեկնողների ոգեւորությունն անսպառ է: Մանրամասները՝ ԵԿՄ տեսանյութում:
Հանդիպմանն անդրադարձ է արվել ղարաբաղյան հակամարտության գոտում իրավիճակի կայունացման և խաղաղ գործընթացը վերականգնելուն ուղղված քայլերին։ Այս համատեքստում զրուցակիցներն ընդգծել են, որ եռանախագահ երկրների կողմից առաջարկվող Հայաստանի և Ադրբեջանի ղեկավարների մակարդակով հանդիպման գլխավոր նպատակն է 1994թ. համաձայնագրով հաստատված զինադադարի ամրապնդումը, բանակցությունների վերսկսման նպատակով բարենպաստ պայմանների ստեղծման համար վստահության ամրապնդման միջոցների ներդրումը։
«Շփման գծում լարվածության վերջին սրացման ֆոնին մենք հավատում ենք, որ եկել է Հայաստանի և Ադրբեջանի նախագահների հանդիպելու ժամանակը: Մեր արտգործնախարարները պատրաստ են կազմակերպել այդ հանդիպումը հաջորդ շաբաթ Վիեննայում»:
Երկու օր առաջ Երևանի Շիրվանզադեի անվ. միջնակարգ դպրոցում էի։ Տղայիս դասարանում երեխեքի համար բաց դաս էր՝ «Հաղթանակներն սկսվում են ընտանիքից» թեմայով։ Իսկ ահա Թալիշի դպրոցում էլ այլ սկզբի մասին էին մտածում։
Արման Թաթոյանը ԵԽ գլխավոր քարտուղարին է ներկայացրել ապրիլի սկզբին Ադրբեջանի նախաձեռնած ռազմական ագրեսիայի ընթացքում Լեռնային Ղարաբաղի Հանրապետության քաղաքացիական բնակչության նկատմամբ կատարված մարդու իրավունքների հիմնարար խախտումները:
ՊԲ առաջապահ զորամասերը հիմնականում ցուցաբերել են զսպվածություն և պատասխան գործողությունների դիմել միայն խիստ անհրաժեշտության դեպքում:
22 տարի առաջ՝ 1994 թ․ մայիսի 12-ին, ուժի մեջ է մտել Լեռնային Ղարաբաղի Հանրապետության, Ադրբեջանի Հանրապետության և Հայաստանի Հանրապետության միջև Ռուսաստանի Դաշնության միջնորդությամբ ստորագրված կրակի և ռազմական գործողությունների դադարեցման մասին անժամկետ համաձայնագիրը։
Չեմ ուզում ասել, թե քանիսին եմ խոցել մարտում: Գլուխ գովելու բան չի: Մարդու վրա կրակելը դժվար է, անգամ, եթե թշնամիդ է: Բայց ես չեմ հասկանում իմ թշնամուն` ինչքան պիտի չարացած լինես, ատելությունդ ինչքան խորը պիտի լինի, որ դիակի վրա ձեռք բարձրացնես…
Երեք օր դիմադրեցին: Երեք օր մեր կողքին էին: Հակառակորդի տանկը հարվածեց ու… տղերքը զոհվեցին: Հիմա չեմ հավատում, որ մեր վերջին կռիվն էր միասին: Ղարիբը ծառայության ընթացքում պարգեւատրվել էր «Արիության համար» մեդալով, Ազնավուրի հայրը, քեռին զոհվել էին առաջին պատերազմի ժամանակ, Նվերն էլ եղբոր գրկում մահացավ… Մի՛ հարցրեք` ինչ է պատերազմը…
Սպառելով հաստիքային զինամթերքը՝ նա ծանր վիրավոր ընկերոջը առաջնագծից դուրս է բերել 30 մ հեռու գտնվող արթուն հերթափոխի խրամաբջիջ, որտեղից կապվել է գումարտակի հրամանատարի հետ, ներկայացրել կարևոր տեղեկություններ օպերատիվ իրավիճակի մասին և հաղորդել, որ հենց նոր իր կողքին զոհվեց զինակից ընկերը, իսկ ինքը վերջին նռնակը մարտական վիճակում պահած պատրաստվում է կասեցնել թշնամու առաջխաղացումը: Նա ուժ է գտել իր մեջ օգնության հասած խմբի հրամանատարին զգուշացնելու վտանգի մասին:
