«Թուրքիան ու Ռուսաստանն աշխատում են ԼՂ խնդրի լուծման վրա»․ Չավուշօղլու
Թուրքիայի արտգործնախարար Մեվլութ Չավուշօղլուն ասել է, թե Ռուսաստանը և Թուրքիան համատեղ աշխատում են Լեռնային Ղարաբաղի հակամարտությունը կարգավորելու ուղղությամբ:
Ըստ «Թրենդի», ելույթ ունենալով Վաշինգտոնի մամուլի ազգային ակումբում, Չավուշօղլուն ասել է, որ Թուրքիան և Ռուսաստանը վերականգնել են իրենց հարաբերությունները և հիմա համագործակցում են տարածաշրջանում խնդիրները լուծելու համար, այդ թվում նաև կարգավորելու Լեռնային Ղարաբաղի հակամարտությունը:
