Հրաձգություն Միսիսիպիում. դպրոցական մրցախաղի ժամանակ. զոհվել է 4 մարդ, վիրավորվել 12-ը
Չորս մարդ զոհվել եւ առնվազն 12 հոգի վիրավորվել է շաբաթ օրը վաղ առավոտյան ԱՄՆ Միսիսիպիի նահանգի Լիլանդ քաղաքում տեղի ունեցած հրաձգության ժամանակ։
Լիլանդի քաղաքապեը Ջոն Լին CBS News-ին տեղեկացրել է, որ հրաձգությունը տեղի է ունեցել կեսգիշերին մոտ, չորս վիրավոր օդով տեղափոխվել է տեղի հիվանդանոցներ։
Ներկա պահին նրանց վիճակի մասին տեղեկություն չի ստացվել։ Կասկածյալներ չկան, հետաքննությունը շարունակվում է։ Լիի խոսքով՝ հրաձգությունը տեղի է ունեցել գլխավոր փողոցում։
Նրա խոսքով՝ մարդիկ քաղաք էին եկել Լիլանդի միջնակարգ դպրոցի խաղը դիտելու, որը նվիրված էր տուն վերադարձին։ Լիլանդի դպրոցական օկրուգի կայքում տեղեկացվել է, որ Լիլանդի միջնակարգ դպրոցը պետք է մրցախաղն անցկացներ Չառլսթոնի միջնակարգ դպրոցի հետ։
Լիլանդը ոչ մեծ քաղաք է Վաշինգտոնի օկրուգում։ 2020թ. մարդահամարի տվյալներով՝ այնտեղ ապրում է մոտ 4 000 մարդ։
