Ռուսական պատժամիջոցների պատճառով եվրոպական բեռների մի մասի փոխադրումն իրականացվում է Վրաստանով
Delo.ua-ի փոխանցմամբ` ԵՄ-ի դեմ Ռուսաստանի սահմանած պատժամիջոցների շնորհիվ Վրաստանի նավահանգիստները շարունակ Եվրոպայից դիմումներ են ստանում եվրոպական բեռների փոխադրման մասին: Պատժամիջոցների պատճառով ԵՄ-ի բեռների մի մասի փոխադրումն իրականացվում է Վրաստանի տարածքով` շրջանցելով ռուսական նավահանգիստները:
Դա մասնավորապես վերաբերում է Ղազախստանին, որը նախկինում իր բեռները Եվրոպայից ներկրում էր Ռուսաստանի տարածքով, այժմ դա անում է Վրաստանի տարածքով` Փոթի նավահանգստի միջոցով: Ընդ որում, դրանք այն բեռներն են, որոնց շատ բարդ է փոխարինել` կաթի փոշի, մանկական սնունդ և այլն:
