Կիևի դատախազությունը հետաքննություն է սկսել Ուկրաինայի նախագահի թեկնածու Ցարևի նկատմամբ
Интерфакс-Украина-ի փոխանցմամբ՝ Կիևի դատախազությունը հետաքննություն է սկսել Ուկրաինայի նախագահի թեկնածու, Ռեգիոնների կուսակցությունը ներկայացնող Օլեգ Ցարևի նկատմամբ՝ կապված նրա անջատողական դրսևորումների հետ:
Ցարևի նկատմամբ քրեական գործ են հարուցել Ուկրաինայի ՔՕ 110-րդ հոդվածով (Ուկրաինայի տարածքային ամբողջականության ու անձեռնմխելիության նկատմամբ ոտնձգություն):
Ուկրաինայի Գլխավոր դատախազության մամուլի ծառայությունը հայտնել է, որ Ցարևը զանգվածային մի շարք միջոցառումների ժամանակ, ինչպես նաև ԶԼՄ-ներում երկրի մասնատման կոչեր է արել և ցուցաբերել է անջատողական դրսևորումներ:
Ընդգծվում է, որ Ուկրաինայի նախագահի թեկնածուի կարգավիճակը Ցարևին անձեռնմխելիություն է ապահովում քրեական հետապնդումից:
Հիշեցնենք, որ Ցարևին երեկ ծեծի են ենթարկել:
