Գագիկ Ծառուկյանը ԱԺ-ում է
ՀՀ Ազգային ժողովում է ԲՀԿ խմբակցության առաջնորդ Գագիկ Ծառուկյանը։ Այս պահին ԱԺ-ում ընթանում է ՀԱԿ, ՀՅԴ, ԲՀԿ և Ժառանգություն խմբակցությունների դռնփակ նիստը, և ենթադրվում է որ Ծառուկյանը եկել է խորհրդարան՝ հենց այդ նիստին մասնակցելու համար։ ԱԺ-ում նաև լուրեր են շրջանառվում, որ Ծառուկյանն այս պահին հանդիպում է ԱԺ նախագահ Հովիկ Աբրահամյանի հետ։ Սակայն լուրերի իսկությունը այս պահի դրությամբ լրագրողներին չի հաջողվում պարզել։ Ի դեպ, նիստի մեկնարկելուց առաջ պատգամավորները հրաժարվեցին պատասխանել հարցերին, թե այսուհետ ինչ քայլեր է ձեռնարկելու ոչ իշխանական ուժերի քառյակը, արդյոք շարունակելո՞ւ է շուրջօրյա հանրահավաքներ անցկացնել, թե՞ ոչ։
