ՌԴ ՆԳՆ-ն ավարտել է Հրաչյա Հարությունյանի գործի քննումը
Ռուսական РИА Новости լրատվական գործակալության փոխանցմամբ՝ ոստիկանությունն ավարտել է Նոր Մոսկվայում Հրաչյա Հարությունյանի մասնակցությամբ ավտովթարի գործի քննումը:
Նախորդ տարվա հուլիսի 13-ին Հարությունյանի վարած «ԿԱՄԱԶ» մակնիշի ավտոմեքենան բախվել էր ուղևորատար ավտոբուսի, ինչի հետևանքով զոհվել էր 18 և վիրավորվել էր ավելի քան 40 մարդ:
Հարությունյանի գործն ուղարկվել է դատախազություն: Հետաքննության ընթացքում պարզվել է, որ բեռնատարը չի սպասարկվել ինչպես որ հարկն է, ինչի համար էլ նրա արգելակման համակարգը չի գործել արդյունավետորեն: Հետաքննությունը կարծում է, որ Հարությունյանը պետք է տեղյակ լիներ այդ մասին:
Այժմ նրան սպառնում է մինչև 7 տարվա ազատազրկում: Ռուսաստանում դա ավելի քան երկու մարդու մահվան պատճառ հանդիսացած ավտովթարի համար նախատեսված առավելագույն պատիժն է, եթե մեղավորը վթարի պահին եղել է սթափ վիճակում:
