Իսրայելը մտավախություն ունի, որ Թուրքիան կդառնա միջուկային երկիր. Washington Post
Սաուդյան Արաբիայի հետ միջուկային համաձայնագրից հետո Իսրայելում աճել են Թուրքիայի վերաբերյալ մտահոգությունները։ Այսպիսի տեսակետ է հայտնել «The Washington Post» պարբերականը։
Ըստ հոդվածի՝ Իսրայելում գերակշռում է այն մտավախությունը, որ Սաուդյան Արաբիայի միջուկային ծրագիրը կարող է Մերձավոր Արևելքում սպառազինության նոր մրցավազք հրահրել։ Իսրայելում մտավախություն ունեն, որ Սաուդյան Արաբիային կարող են հետևել նաև Թուրքիան և տարածաշրջանի այլ երկրներ՝ սկսելով սեփական ուրանի հարստացման ծրագրերը։
«The Washington Post»-ը հրապարակել է ԱՄՆ-ի և Սաուդյան Արաբիայի միջև կնքված միջուկային էներգետիկայի համաձայնագրի վերաբերյալ ուշագրավ մանրամասներ։ Պարբերականի տվյալներով՝ համաձայնագիրը Սաուդյան Արաբիային հնարավորություն կտա ամերիկյան տեխնոլոգիաներով կառուցել ատոմային էլեկտրակայաններ, ինչպես նաև ապագայում կարող է հիմք ստեղծել երկրի տարածքում ուրանի հարստացման աշխատանքներ իրականացնելու համար։
Այդ համաձայնագրի ամենակոշտ քննադատն Իսրայելն է։ Վերջինս մտահոգված է այն բանով, որ տարածաշրջանային ուժերի հավասարակշռությունը կարող է խախտվել, իսկ դրա էական դերակատարներից մեկը համարվում է վերջին տարիներին ռազմական արդյունաբերության ոլորտում զգալի հաջողություններ գրանցած Թուրքիան։
