Փոթիի նավահանգստի աշխատակիցները գործադուլ են կազմակերպել

Грузия Online-ի փոխանցմամբ՝ Փոթիի նավահանգիստը վարձակալած B & P ընկերության աշխատակիցնրը մեծ մասը դուրս է եկել գործադուլի, ինչի հետևանքով կաթվածահար է եղել տերմինալի աշխատանքը: Այսօր առավոտյան մեկնարկած գործադուլին մասնակցել է ընկերության 300 աշխատակիցներից ավելի քան 200-ը:

Գործադուլավորները պահանջում են բարձրացնել աշխատավարձը, ձևակերպել հավաքական պայմանագիր և անժամկետ պայմանագրեր: Գործադուլի մասնակիցները հայտարարում են, որ գործադուլը շարունակելու են այնքան ժամանակ, քանի դեռ չեն բավարարվել իրենց պահանջները: