Բրյուսովի անվան համալսարանի ամբիոնի վարիչը մեղադրվում է կաշառք ստանալու համար
Հակակոռուպցիոն կոմիտեն հայտնում է, որ Վ. Բրյուսովի անվան պետական համալսարանի ամբիոնի վարիչը հովանավորչություն կատարելու համար ստացել է կաշառք:
«Այդ անձը համալսարանի նույն ամբիոնի 2 դասախոսի՝ դասապրոցեսների ընթացքում չնախատեսված արձակուրդ տրամադրելու, դասաժամերն այլ դասախոսներին բաշխելու գործընթացը կազմակերպելու համար տարբեր չափերի կաշառք է վերցրել 2025 թվականի հոկտեմբերին»,- ասված է հաղորդագրությունում:
Նշվում է, որ բացի դրանից, ամբիոնի վարիչն ասպիրանտի ատենախոսության պաշտպանության գործընթացը կազմակերպելու համար էլ ընդունել է վերջինիս կաշառք տալու առաջարկը: Դա եղել է նախորդ տարվա դեկտեմբերին, իսկ կաշառքը եղել է ոսկյա զարդի տեսքով:
Ամբիոնի վարիչին մեղադրանք է ներկայացվել aմբիոնի վարիչին մեղադրանք է ներկայացվել կաշառք ստանալու, իսկ նրան կաշառք տված 3 դասախոսին՝ կաշառք տալու հոդվածներով։ Ամբիոնի վարիչի նկատմամբ որպես խափանման միջոցներ են կիրառվել բացակայելու արգելքը և պաշտոնավարման կասեցումը:
Քրեական վարույթով նախաքննությունն ավարտվել է, և վարույթի նյութերը մեղադրական եզրակացությամբ ուղարկվել են հսկող դատախազին՝ դատարան ուղարկելու միջնորդությամբ:
