Թուրքիան և ԱՄՆ-ը մտադիր են առևտրի ծավալները հասցնել 100 մլրդ դոլարի
Վաշինգտոնում կայացել է Թուրքիայի և ԱՄՆ-ի առևտրային բանակցությունների երրորդ փուլը։ Այս մասին տեղեկացնում է ermenihaber.am-ը։
Նշվում է, որ Թուրքիայի առևտրի փոխնախարար Մուստաֆա Թուզջուի գլխավորած պատվիրակությունը հանդիպել է ԱՄՆ-ի առևտրի հարցերով ներկայացուցչի օգնական Բրայանթ Թրիքի հետ։
Հանդիպման ընթացքում քննարկվել են երկկողմ առևտրաշրջանառության ծավալը 100 մլրդ դոլարի հասցնելուն ուղղված քայլերը, երկու երկրների ընկերությունների անխափան մուտքը շուկաներ և ներդրումների խրախուսումը։
