Թեյի փաթեթները համարվել են առողջության համար վտանգավոր
Թեյի պլաստիկե փաթեթները, ըստ Ցելսիուսի 95 աստիճանի տաքանալուց հետո արտադրում են միլլիոնավոր պլաստիկե մասնիկներ և կարող են լուրջ վնաս հասցնել առողջությանը: Նման եզրահանգման են եկել Կանադայի Մակգիլլի համալսարանի գիտնականները։ Այս մասին հաղորդում է Science Alert-ը:
Մասնագետներն ուսումնասիրել են 4 բրենդների արտադրանքը: Փաթեթներն ընկղմել են ջրի մեջ 5 րոպե, որից հետո ստուգել են դրանց որակը:
Պարզվել է, որ տաք ջրի ազդեցության տակ փաթեթները քայքայվել են՝ արտազատելով 11.6 մլրդ միկրոմասնիկներ (1-150 միկրոմետր չափսի ) և 3.1 մլրդ նանոմասնիկներ (100-1000 նանոմետր):
