Խաղաղություն ու անվտանգություն այսպես չեն հաստատում. Խաղաղության հոտը չի զգացվում. Ավետ Ադոնց
ՀՀ արտաքին գործերի նախկին փոխնախարար Ավետ Ադոնցի գնահատմամբ՝ խաղաղության օրակարգը պետք է չակերտների մեջ վերցնել։
«Խաղաղության օրակարգը ենթադրում է հետևողական մի աշխատանք, որը պետք է զգանք, որը կբերի խաղաղություն ու կայունություն թե՛ մեր երկրում, թե՛ մեր տարածաշրջանում։ Այսօրվա «Խաղաղության օրակարգը» դինամիկ զարգանում է, բայց ոչ խաղաղություն հաստատելու ուղղությամբ»,- լրագրողների հետ հանդիպմանն ասաց նա։
ԱԳ նախկին փոխնախարարի խոսքով՝ հանձնման, միակողմանի զիջումների փորձերը որևէ երաշխիք չեն պարունակում, որ, այնուամենայնիվ, եթե տարածքները հանձնվեն Ադրբեջանին, խաղաղություն կլինի։
«Խաղաղության հոտը չի զգացվում, խաղաղություն ու անվտանգություն այսպես չեն հաստատում»,- ընդգծեց Ադոնցը։
