«Ուրարտու»-ն գոլառատ խաղում հաղթեց ԲԿՄԱ-ին
Հայաստանի ֆուտբոլի առաջնության 23-րդ տուրի շրջանակներում ԲԿՄԱ-ն ուժերը չափեց «Ուրարտու»-ի հետ:
Երևանում կայացած խաղը գոլառատ ստացվեց: «Ուրարտու»-ն 4 գնդակ ուղարկեց մրցակցի դարպասը` սեփականն ընդունելով միայն մեկը: «Ուրարտու»-ի կազմում դուբլի հեղինակ դարձավ Դմիտրո Խլյոբասը, մեկական անգամ էլ աչքի ընկան Արթուր Միրանյանը և Սերգեյ Մկրտչյանը: ԲԿՄԱ-ի միակ գոլը հեղինակեց Էդգար Մովսեսյանը:
Այս տուրից հետո ԲԿՄԱ-ն մնում է մրցաշարային աղյուսակի վերջին տեղում, իսկ «Ուրարտու»-ն 25 միավորով 5-րդն է:
