Փաշինյանը հանդիպում է Իտալիայի Հանրապետության նախարարների խորհրդի նախագահի հետ
ՀՀ վարչապետ Նիկոլ Փաշինյանը Հռոմում հանդիպում է Իտալիայի Հանրապետության նախարարների խորհրդի նախագահ Ջուզեպպե Կոնտեի հետ: Ինչպես Հռոմից հաղորդում է «Արմենպրես»-ի թղթակիցը, հանդիպումը տեղի է ունենում Հռոմի Կիջի պալատում՝ Իտալիայի վարչապետի պաշտոնական նստավայրում:
ՀՀ վարչապետն ու Իտալիայի Հանրապետության նախարարների խորհրդի նախագահը կքննարկեն Հայաստան-Իտալիա հարաբերությունների օրակարգը, այնուհետև հանդես կգան լրատվամիջոցների համար հայտարարությամբ։
