Ճապոնիայի պաշտպանության նախարարությունը հաստատել է F-35A-ի կործանման փաստը
Ճապոնիայի պաշտպանության նախարարությունը հավաստել է, որ երկրի Ինքնապաշտպանության ուժերի հինգերորդ սերնդի F-35A ռմբակոծիչ-կործանիչը, որն ապրիլի 9-ին կորել էր ռադարների էկրաններից, Խաղաղ օվկիանոսն է ընկել Աոմորի հյուսիսային պրեֆեկտուրայի շրջանում: Ապրիլի 10-ին այս մասին լրագրողներին հայտարարել է պաշտպանական գերատեսչության ղեկավար Տակեսի Իվայան։
«Ցավոք, մենք ստիպված ենք խոստովանել, որ ինքնաթիռը կործանվել է Աոմորիի պրեֆեկտուրայից մոտավորապես 135 կիլոմետր հեռավորության վրա: Մենք պարզում ենք պատահարի պատճառները: Ինքնաթիռի օդաչուն առայժմ չի գտնվել, որոնումները շարունակվում են»,- ասել է ա: Նախարարի խոսքով, առավոտյան անկման վայրում գտել են ինքնաթիռի ֆյուզելաժի մի քանի բեկորներ:
Ապրիլի 9-ին Իվայան կարգադրել է ժամանակավորապես դադարեցնել F-35A ինքնաթիռների թռիչքները մինչեւ պատահարի պատճառների պարզումը, հաղորդել է ՏԱՍՍ-ը:
