Եմենին սպառնում է կրկին լայնածավալ պատերազմի մեջ ընդգրկվելու վտանգը

ՄԱԿ-ի Մարդու իրավունքների գերագույն հանձնակատար Ֆոլկեր Թյուրքը լուրջ մտահոգություն է հայտնել Եմենում սրվող ռազմական գործողությունների հետևանքով խաղաղ բնակչության շրջանում զոհերի թվի աճի կապակցությամբ և կոչ է արել գործադրել բոլոր ջանքերը՝ կանխելու երկրի ընթացքը դեպի լայնածավալ պատերազմ։ Այդ մասին տեղեկացնում է Euronews-ը։

Եմենն արդեն իսկ համալրել է Մերձավոր Արևելքում ընթացող դիմակայության մեջ ներքաշված երկրների շարքը։ Դա տեղի ունեցավ, երբ Իրանի աջակցությունը վայելող հութիների շարժումը փաստացի խզեց Սաուդյան Արաբիայի աջակցությունը վայելող կառավարության հետ 2022 թվականին կնքված զինադադարը՝ ուժգնացնելով վերջինիս վերահսկողության տակ գտնվող տարածքներին ուղղված հարվածները։