ՄԻՊ-ն ահազանգում է մանկապարտեզներում ջրի բաժակների ու շշերի միջոցով վարակների հնարավոր տարածման մասին

Մանկապարտեզներում երեխաների ջրի բաժակներն ու շշերը կարող են վարակների տարածման աղբյուր հանդիսանալ: Այս մասին հայտնում են ՄԻՊ գրասենյակից:

Ծանո՞թ են ձեզ այսպիսի տեսարանները։ Այո՛, մանկապարտեզներում երեխաների ջրի բաժակներն ու շշերն են։ ՄԻՊ-ի ֆեյսբուքյան էջում տեղադրված հաղորդագրության մեջ ասվում է.

«Գիտե՞ք, որ ջուր խմելու այս եղանակները ռիսկային են վարակների տարածման տեսանկյունից, քանի որ երեխաները հեշտությամբ կարող են խմել մեկը մյուսի շշից:

Ավելին, Մարդու իրավունքների պաշտպանի մշտադիտարկման արդյունքում արձանագրվել է, որ շշերը հիմնականում միանման են, իսկ տարբերանշանները՝ շփոթեցնող:

Ըստ այդմ, անհրաժեշտ է ՀՀ առողջապահության նախարարի 2002 թվականի N 857 հրամանում կատարել փոփոխություն՝ հստակ կարգավորումներ նախատեսելով նախադպրոցական ուսումնական հաստատությունում երեխաների կողմից խմելու ջրից օգտվելու համար՝ հաշվի առնելով վարակների տարածման ռիսկերը: Այդպիսին կարող է լինել հստակ ամրագրված նորը, ըստ որի երեխաներին կտրամադրվեն բացառապես անհատական օգտագործման այնպիսի բաժակներ, որոնք նրանց համար հեշտ տարանջատելի լինեն մյուս բաժակներից կամ մեկանգամյա օգտագործման բաժակներ»:

https://www.facebook.com/Armenianombudsman/posts/1068127176708079?__xts__[0]=68.ARAJNSN6ymIm4vfvTfiIUsNH-LQI1wjSy_49jFTkIZNMj2O7996lpEmSH2QshbnzVgcdQJEoFzNhSZ4r-SfeTj7ao-kA5MpIg_W6vlv0mj_WUynPwfsV9dYsWhHZQ_vNFOiIX977MzBAo-U4gJ1AKxii7IuTu0FdFgGNUeIo9B0T24Y8_9NGb5McNXVoWYlCaBt8ZCZJsm-SLc8RPxJ1Pk_ZdS6r8sgzducHzYEWebGu5Y683cXd6kwdSuInFyTIyxeY756K48msPMhqoZADfgVSpMVoDXfjx3QAXms80-QsvmzaTyrYYqi5tzodjfYHw_UbT9Jx-newDT5um2A3WCUnaA&__tn__=-R