Թուրքիան կամրապնդի Սաուդյան Արաբիային ռազմական աջակցությունը հուսիների հարձակումների ֆոնին
Թուրքիան մտադիր է ուժեղացնել Սաուդյան Արաբիային տրամադրվող ռազմական աջակցությունը՝ հուսիների հարձակումների ֆոնին։ Այս մասին հայտնում է Middle East Eye-ը։
Ակնկալվում է, որ Անկարան Սաուդյան Արաբիա կուղարկի լրացուցիչ ռազմական տեխնիկա, տեխնիկական անձնակազմ, արտակարգ արձագանքման ուժեր և նրանց ուղեկցող մարտական ստորաբաժանումներ։
Միաժամանակ, Թուրքիան չի նախատեսում թագավորություն ուղարկել մեծաթիվ զորախումբ կամ անմիջականորեն միջամտել Եմենում ստեղծված իրավիճակին։ Ուժերի հետագա տեղակայման համար անհրաժեշտ կլինի Թուրքիայի խորհրդարանի հավանությունը, որը պետք է նաև վավերացնի համատեղ պաշտպանության վերաբերյալ Մեքքայի համաձայնագիրը։
Անկարան շարունակում է համոզված լինել, որ դիվանագիտական ջանքերը կարող են առաջիկա ամիսներին արդյունք տալ։
