Վիտամին D․ ինչո՞ւ է այն կարևոր

Վիտամին D-ն, որը նաև կոչվում է կալցիֆերոլ կամ «արևի վիտամին», շատ կարևոր դեր ունի մեր օրգանիզմի համար․

• նպաստում է կալցիումի կլանմանը՝ ամրացնելով ոսկորներն ու ատամները:
• կարգավորում է իմունային համակարգը՝ կանխարգելելով վարակները:

Չնայած վիտամին D-ի կարևորությանը՝ 35% չափահասների մոտ առկա է դրա պակաս։

Վիտամին D-ի ֆունկցիաները

Մեծացնում է կալցիումի կլանման արդյունավետությունը փոքր աղիներում՝ այն դարձնելով 10%-15%-ից մինչև 30%-40%: Ըստ doctors.am-ի՝ պակասը կարող է առաջացնել.

• փափուկ ոսկորներ. օստեոմալացիա (մեծահասակների մոտ) կամ ռախիտ (երեխաների մոտ):
• փխրուն ոսկորներ. օստեոպորոզ:
• կոտրվածքների բարձր վտանգ:

Նպաստում է իմունային համակարգի կարգավորմանը և վարակների կանխարգելմանը: Պակասը կապված է վարակների, հատկապես շնչառական խնդիրների, ավելի բարձր ռիսկի հետ:

Վիտամին D-ի աղբյուրները

Արևի լույսից. մաշկը արտադրում է վիտամին D՝ ենթարկվելով UVB ճառագայթներին, որոնք ակտիվացնում են վիտամին D3-ը:

Արտադրությունը կախված է մի շարք գործոններից.

1. Սեզոն և վայր. ձմռանը և արևի պակաս ունեցող տարածքներում մակարդակը նվազում է:

2. Մաշկի գույնը. մուգ մաշկը նվազեցնում է վիտամինի սինթեզը:

3. Տարիքը. մեծահասակները արտադրում են ավելի քիչ վիտամին D:

4. Արևապաշտպան միջոցներ. թեև նվազեցնում է վիտամինի արտադրությունը, բայց անհրաժեշտ է մաշկը պաշտպանելու համար:

5. Բնական մթերքները, ինչպիսիք են յուղոտ ձկները, ձվի դեղնուցը, սունկը, կաթը, նարնջի հյութը, յոգուրտը, հացահատիկները նույնպես վիտամին D-ի աղբյուր են։ Սննդային հավելումները անհրաժեշտ է նրանց, ովքեր բավարար արևի լույս չեն ստանում կամ չունեն համարժեք սննդակարգ: Հավելումներն ընդունեք սնունդի հետ՝ կլանման բարելավման համար: Խուսափեք չափից ավելի օգտագործումից՝ թունավորումից խուսափելու համար:

Խորհուրդ տրվող օրական չափաբաժիններ

• Մանկահասակներ (<1 տարեկան). 10 մկգ (400 IU):
• Երեխաներ և մեծահասակներ (1-70 տարեկան). 15 մկգ (600 IU):
• Մեծահասակներ (>70 տարեկան). 20 մկգ (800 IU):
• Տարածքը, մարմնի քաշը և որոշ առողջական վիճակներ կարող են պահանջել փոփոխություններ չափաբաժիններում: