Ռուսաստանը հարվածներ է հասցրել ուկրաինական նավահանգիստներին․ նավ է խոցվել
Ռուսաստանի զինված ուժերը հարվածներ են հասցրել Օդեսայի նավահանգստում գտնվող վառելիքի պահեստարանին, իսկ Օչակովի նավահանգստում պարեկային նավ են խոցել։ Այդ մասին Ռուսաստանի պաշտպանության նախարարությունն է հայտարարել։
«Բարձր ճշգրտության զենքերով և հարվածային անօդաչու թռչող սարքերով խոցվել է ուկրաինական պարեկային նավը՝ Նիկոլաևի մարզի Օչակով նավահանգստում։ Օդեսայի նավահանգստում խոցվել են վառելիքի և քսանյութերի պահեստավորման տարաներն ու ռազմական բեռների բեռնաթափման համար նախատեսված սարքավորումները»,- նշված է ՌԴ ՊՆ հաղորդագրությունում։
