Չորս սննդամթերք` քաղցկեղի կանխարգելման համար
Ուռուցքաբան Ուիլյամ Լին նշել է չորս սննդամթերք, որոնք կարող են օգնել կանխել քաղցկեղը: Նրա խոսքերը մեջբերել է Daily Mirror-ը։
Ըստ shantnews-ի՝ Լին բացատրել է, որ քաղցկեղի բջիջները ձևավորվում են անընդհատ, բայց դրանք անվնաս են, քանի որ իմունային համակարգը անմիջապես ոչնչացնում է դրանք: Լուրջ վտանգ է առաջանում, երբ օրգանիզմի պաշտպանությունը խափանվում է կամ քրոնիկ բորբոքում է զարգանում, օրինակ՝ ծխելու կամ հաճախակի արևայրուքի պատճառով։
Միևնույն ժամանակ, բժիշկը վստահ է, որ որոշակի սննդամթերքներ օգնում են ամրապնդել օրգանիզմի պաշտպանությունը:
«Սնունդը չի պաշտպանում քաղցկեղից: Ես ուզում եմ պարզաբանել դա: Սնունդը օգնում է ամրապնդել օրգանիզմի կարողությունը պայքարելու քաղցկեղի բջիջների և բորբոքման դեմ»,- ընդգծել է նա:
Նրա խոսքով՝ սոյան, լոլիկը, խնձորը և հատապտուղները ունեն այս հատկությունը։
Լին բացատրել է, որ այս սննդամթերքները պարունակում են մեծ քանակությամբ վիտամիններ, պոլիֆենոլներ և հակաօքսիդանտներ, որոնք անհրաժեշտ են առողջ իմունային համակարգի համար:
