Կարող են իմ հետևից էլ գալ, առաջից էլ գալ. որևէ ձևով կաշկանդված չեմ, հետևանքն էլ գիտեմ. Արշակ սրբազան
Մայր Աթոռի Դիվանապետ Արշակ արքեպիսկոպոս Խաչատրյանն այսօ հրավիրված հանդիպման ժամանակ հայտարարեց, որ Եկեղեցու նկատմամբ վստահությունն ուղիղ համեմատական է նրա հետ, թե նա ինչ դիմակայունություն և սկզբունքայնություն կդրսևորի:
«Չեմ կարծում՝ որևէ ձևով հիմք եմ տվել մտածելու, որ սկզբունքայնության առումով որևէ զիջում լինելու է: Չեմ կարծում, որ այդպիսի կասկած թողել է նաև Կաթողիկոսի վարքագիծը: Կաթողիկոսը որևէ ձևով զիջման, նահանջի միտում և նշան չի տվել: Կաթողիկոսն իր դիրքերում է, Եկեղեցու գլխին է»,- շեշտեց նա:
Ինչ վերաբերում է իրեն վերագրվող տեսագրությանը, Արշակ Սրբազանն ասաց, որ այն չի կարող անհանգստություն բերել իր մեջ:
«Չի բացառվում, որ ինչ-որ մարդիկ իրենց ընտանեկան արխիվից ինտիմ բնույթի տեսանյութեր են հրապարակել, փորձելով տարբեր հնարանքների միջոցով դա կապել իմ անձի հետ: Դա իմ խիղճը չի կարող վրդովվեցնել»,- շարունակեց նա՝ նկատելով, որ թեև այն անհարկի անախորժություններ է ստեղծել իր համար հարազատ անձանց դեպքում, սակայն դրանից իր վճռականությունը չի նվազել:
«Կարող են իմ հետևից էլ գալ, առաջից էլ գալ, որևէ ձևով կաշկանդված չեմ»,- ընդգծեց Սրբազանը:
Մանրամասները՝ 168.am-ի տեսանյութում
