Ալավերդիում կենցաղային վեճի պատճառով 75-ամյա տղամարդը սպանել է 74-ամյա հարևանին
Լոռու մարզի Ալավերդի քաղաքի Ակներ թաղամասում հարևանների վեճն ավարտվել է սպանությամբ։ Տեղեկությունը հայտնում է ՆԳՆ ոստիկանությունը։
Նշվում է, որ նոյեմբերի 28-ին՝ ժամը 12.20-ին, քաղաքացին հաղորդում է ներկայացնել, որ իր հարևան 74-ամյա Լյովիկ Շ․-ն նախորդ օրվանից տուն չի վերադարձել։
«Նույն օրը ոստիկանները պարզել են, որ նոյեմբերի 27-ին՝ ժամը 18.00-ի սահմաններում, Լյովիկ Շ․-ն այցելել է իր հարևան 75-ամյա տղամարդու տուն, որտեղ կենցաղային վեճի ժամանակ հարևանը փայտե ձողով հարվածել է Լյովիկ Շ․-ի գլխին, ինչի հետևանքով նա մահացել է»,– ասված է հաղորդագրությունում։
75-ամյա տղամարդը խոստովանել է արարքը, հայտնաբերվել է նաև հանցագործության գործիքը` փայտե ձողը:
Տղամարդը ձերբակալվել և տեղափոխվել է ոստիկանության Թումանյանի բաժին։
Կազմված փաստաթղթերը փոխանցվել են Թումանյանի քննչական բաժին։ Նախաձեռնվել է քրեական վարույթ։
